У Францыі завяршаецца апошняя падрыхтоўка да старту чэмпіянату Еўропы па футболе, і ўжо праз некалькі хвілін на стадыёне "Стат дэ Франс" пачнецца ўрачыстая цырымонія адкрыцця. А затым адбудзецца першы матч паміж зборнымі Францыі і Румыніі. Дарэчы, французы ходзяць у фаварытах турніру нароўні з камандамі Англіі, Германіі, Іспаніі, Бельгіі і Італіі. Гэта значыць сёлета вельмі складана прадказаць будучага трыумфатара. Гэта адна з асаблівасцяў цяперашняга чэмпіянату Еўропы.
З намі на прамой сувязі каментатар матча-адкрыцця Уладзімір Навіцкі (прамое ўключэнне).
Усе матчы чэмпіянату Еўропы ў прамым эфіры будуць паказаныя на каналах Белтэлерадыёкампаніі. Самы буйны медыяхолдынг Беларусі валодае эксклюзіўнымі правамі на тэлетрансляцыі Еўра-2016. Гульні можна будзе ўбачыць на "Беларусь 1", "Беларусь 2" і "Беларусь 5". Акрамя таго, усе падрабязнасці глядзіце ў выпусках навін Агенцтва тэленавін, а таксама ў аглядзе на тэлеканале "Беларусь 5".
