Тры дні бескампраміснай спартыўнай барацьбы ў духу добрага суперніцтва і сяброўства. Першую ў гісторыі спартакіяду сярод кадэтаў, ліцэістаў і сувораўцаў прымеркавалі да 100-годдзя Беларускай міліцыі. Маштабная падзея стартавала ў Акадэміі міністэрства ўнутраных спраў. Хто лепшы ў плаванні, бегу, міні-футболе, стральбе і сілавых практыкаваннях... На спаборніцтва ў сталіцу прыехалі амаль 180 прадстаўнікоў кадэцкіх вучылішчаў, каманда сувораўцаў і ліцэістаў МУС і МНС. Узнагароджанне лепшых адбылося напярэдадні ў зале Алімпійскай славы Нацыянальнага спартыўнага камітэта
Віталь Салавей, удзельнік каманды спецыялізаванага ліцэя МУС Беларусі: "Перамога давалася даволі цяжка таму, што шмат было каманд. І кожны рыхтаваўся, кожны жадаў заняць першае месца, хоць бы трапіць у лепшую тройку. А так па ачках даволі далёка адарваўся і, спадзяюся, што ў наступных спаборніцтвах яшчэ буду вышэй".
У агульным заліку першае месца - у каманды Мінскага сувораўскага вучылішча, другое - у кадэтаў з Брэста, 3 месца заняла каманда Віцебскага кадэцкага вучылішча. Ліцэісты МУС у агульным заліку чацвёртыя. Для гэтай маладой навучальнай установы добры вынік.
