Мы працягваем знаёміць вас з падзеяй, якая менш чым праз месяц, напэўна, атрымае прапіску ў сэрцы кожнага, хто неабыякавы да спорту. 9 лютага ў Пхёнчхане стартуюць ХХІІІ зімовыя Алімпійскія гульні. Аб талісмане, медалях, кластарах турніру мы ўжо расказвалі. Сёння даведаемся аб бюджэце, цэнах на білеты, асаблівасцях паўднёвакарэйскай валюты, і як бяспечна купіць квіткі на спаборніцтвы. Адказы ўжо зараз у праекце "Алімпійская віза".
Вось такой багатай, як у Сочы, цырымонія адкрыцця зімовых Алімпійскіх гульняў у Пхёнчхане не будзе. І справа тут зусім не ў арганізатарскіх здольнасцях прадстаўнікоў Паўднёвай Карэі.
Усё куды прасцей: Алімпіяда ў Сочы - самая дарагая ў гісторыі правядзення таікх стартаў - Расіі абышлася касмічныя 50 мільярдаў долараў.
У той час як бюджэт Гульняў у Пхёнчхане ацэньваецца 2 мільярды.
То Чон Хван, міністр культуры, спорту і турызму Рэспублікі Карэя: "Пхёнчхан тройчы вылучаўся стаць сталіцай зімовай Алімпіяды. Прычына такога рашэння ў тым, што гэты рэгіён краіны па ўзроўні інфраструктуры адставаў ад іншых. А правядзенне ў рэгіёне турніру планетарнага маштабу дазволіла б тут значна павысіць узровень жыцця і колькасць сацыяльных аб'ектаў. Так, хай у нас бюджэт і не самы вялікі, але гэтага хапіла, каб змяніць рэгіён. Урад і ўся нацыя зараз працуе над тым, каб зноў адкрыць усяму свету Карэю, вядомую па Алімпіядзе ў Сеуле і чэмпіянаце свету па футболе".
Паводле звестак Цэнтра эканамічных даследаванняў "Хёндэ", правядзенне Алімпіяды ў Паўднёвай Карэі ў доўгатэрміновай перспектыве арганізатарам ужо зараз дазваляе разлічваць на ўскосны эфект у памеры 38-мі мільярдаў долараў: гэта адбудзецца за кошт павелічэння прытоку турыстаў, паляпшэнне іміджу краіны, замацавання за Пхёнчханам статусу зімовага курорта. Адзначым, у 2016 годзе Паўднёвую Карэю наведалі 17 млн 240 тысяч чалавек. Мэта на 2018 год - 20 млн турыстаў.
І гэтая лічба - цалкам рэальная, галоўным чынам, зразумела, дасягнутая яна будзе за кошт правядзення ў Паўднёвай Карэі ХХІІІ Алімпійскіх гульняў.
Хоць, у кастрычніку так не здавалася…
Справа ў тым, што тэмпы продажаў білетаў на спаборніцтвы палохалі: да 1 лістапада было прададзена толькі 30 % з аднаго мільёна 800 тысяч. Але затым у Карэі стартавала эстафета алімпійскага агню, і публіка актывізавалася: зараз прададзена ўжо 55 %, прычым замежныя балельшчыкі раскупілі запланаваную для іх долю на 60 %, - сцвярджае генсакратар аргкамітэта - 2018 Йо Хен Ку, у Пхёнчхане арганізатары разлічваюць збіраць аншлагі.
Стаць часткай Гульняў можа і кожны беларус, каб купіць білет у афіцыйнага распаўсюджвальніка на тэрыторыі нашай краіны, неабходна падпісаць адпаведны кантракт, цэны, напрыклад, на хакей знаходзяцца ў дыяпазоне ад 40 беларускіх рублёў або 20 умоўных адзінак да 305 беларускіх рублёў або 152 умоўных адзінак - у залежнасці ад месца на трыбунах і значнасці матча, мінімальны кошт квітка на біятлон ад 40 да 203 рублёў.
Аляксандр Покішаў, кіраўнік праекта па рэалізацыі білетаў на Алімпійскія гульні ў Пхёнчхан: "Кірыл Сушчынскі мае вялізны багаж падарожжаў, вывучаў кітайскую мову, непасрэдна ў Паднябеснай, месяц назад вярнуўся з Паўднёвай Карэі".
Кірыл Сушчынскі, дырэктар афіцыйнага білетнага аператара на Алімпійскія гульні ў Пхёнчхан: "На білеты нанесеныя галаграма, штрых і кюар-коды - падрабіць іх складана. Адзначым, уладальнікі запаветных квіткоў будуць мець вольны доступ да праезду ў маршрутных шатл-аўтобусах, якія курсіруюць паміж стадыёнамі падчас Алімпіяды. І калі аб кошце білетаў і бюджэце гульняў у Пхёнчхане можна гаварыць, выкарыстоўваючы так званыя ўмоўныя адзінкі, то тым, хто адправіцца ў Паўднёвую Карэю, усё ж неабходна разабрацца ў мясцовай валюце".
Так за адзін долар ЗША ў абменным пункце вы атрымаеце 1080 карэйскіх вон. Як выглядае гэта валюта зараз вы бачыце на сваіх экранах. Адпаведна за 100 умоўных адзінак вы выгандлюеце 108 000 вон.
Што ж за гэтыя грошы можна купіць: да прыкладу, адна паездка ў метро ў Сеуле каштуе 1800 вон, стандартны сэт у вядомым рэстаране хуткага харчавання вам абыдзецца 6000 тысяч вон, за ноч пражывання ў хостэле ў агульным нумары ў сярэднім прыйдзецца аддаць 20 долараў або 22 тысячы вон.
Паўднёвая Карэя адносіцца да высокаразвітых краін - адгэтуль і такія высокія цэны.
І апошняе: арганізатары зімовых Алімпійскіх гульняў - 2018 у Пхёнчхане лічаць, што падчас цырымоніі адкрыцця Алімпіяды можа быць занадта холадна. У дзень адкрыцця Гульняў чакаецца тэмпературны антырэкорд - мінус 14 градусаў. Да гэтага самым халодным было адкрыццё Алімпіяды ў Лілехамеры - мінус 11 градусаў. Да старту Гульняў у Паўднёвай Карэі застаецца 20 дзён.
