Змагаліся да апошніх метраў дыстанцыі, але фінішавалі восьмымі. На Алімпійскіх гульнях сёння прайшла біятлонная мужчынская эстафета. Беларусы пачалі нядрэнна: Мікіта Лобастаў, выкарыстаўшы два дадатковыя патроны, перадаў эстафету Дзмітрыю Лазоўскаму другім. Адстраляўшы дакладна лежма, на стойцы Лазоўскі зачыніў мішэнь з сямі стрэлаў. Пасля паловы гонкі Максім Варабей адправіўся на свой этап трэцім. Але шанцы на медаль перакрэслілі два заробленыя штрафныя колы.
Антон Смольскі пашоў на дыстанцыю ўжо толькі дзявятым, а на фінішы апынуўся 8-м. Тым самым нашы хлопцы паўтарылі вынік Алімпіяды ў Пхёнчхане. Перамогу святкавалі нарвежцы, серабро - у французаў, бронза дасталася расіянам.
Мужчынская зборная Беларусі заняла 8 месца ў біятлоннай эстафеце на Алімпіядзе ў Пекіне
15 февраля 2022