Андрэй Казлоў даведаўся, у тым ліку і аб тым, чаго нам чакаць ад беларускіх спартсменаў на хатнім турніры.
Спачатку збіраецца каркас па ўзроўні, складаюцца пліты, пліты выраўноўваюцца, потым усё шпаклюецца, шпаклююцца стыкі. Там, дзе вялікія драпіны, яны таксама шпаклююцца.
Тут нават адна няправільна прыкручаная дэталь можа зламаць гульню прафесійнаму спартсмену. Таму і падыход у зборцы цалкам прафесійны. Дарэчы, сталы беларускай вытворчасці.
Маленькі памер шара і вялікая луза. Вось гэта галоўныя асаблівасці такога віду більярда, які мы ведаем як вольная піраміда. Або, як ён называўся раней, амерыканка.
Вольная піраміда не такая і простая, як можа здацца на першы погляд. Тут ёсць і тактыка, спецыяльны падыход, які адточваецца, між іншым, гадамі. Але правілы ў вольнай пірамідзе сапраўды простыя.
Акрамя гульнявых правіл ёсць пэўны падыход да формы адзення спартсменаў. Для ўдзельнікаў чэмпіянату ўстанаўліваецца форма адзення: цёмныя туфлі, касцюмныя цёмныя штаны, аднатонная кашуля, аднатонная камізэлька, гальштук-бабачка. Удзельнікі не ва ўстаноўленай форме адзення да спаборніцтваў не дапускаюцца. Вось такі рэгламент турніру.
8 хлопцаў і 8 дзяўчат з Беларусі будуць змагацца за перамогу на чэмпіянаце. І беларусы ў рускім більярдзе, у тым ліку ў вольнай пірамідзе, заўсёды сярод прэтэндэнтаў на перамогу. Ці атрымаецца перайсці ў разрад пераможцаў, даведаемся да канца тыдня.
Усяго на чэмпіянаце Еўропы прымуць удзел спартсмены з 12 краін. Спаборніцтвы будуць пачынацца штодня ў 10:30. Уваход на іх вольны.
