Свет сёння развітаўся з легендай футбола Дыегам Марадонам. Праводзіць куміра ў апошні шлях ля прэзідэнцкага палаца ў Буэнас-Айрэсе сабралося каля мільёна чалавек. Прыходзілася адстойваць у чарзе не менш за 3 гадзіны. Мільёны прыхільнікаў Марадоны па ўсім свеце маглі далучыцца да цырымоніі развітання анлайн.
Развітанне з Марадонай завяршылася сутыкненнямі фанатаў з паліцыяй
Праўда, завяршылася яно датэрмінова. Сям'я футбаліста распарадзілася скончыць жалобнае мерапрыемства раней, таму што яно перарасло ў беспарадкі. З-за наплыву людзей паліцыя перакрыла праспект, які вядзе да палаца, дзе праходзіла паніхіда. Фанатам гэта не спадабалася, і яны пачалі закідваць праваахоўнікаў бутэлькамі.
Падчас сутыкненняў вартавыя парадку прымянілі гумовыя кулі і слёзатачывы газ. Паведамляецца аб некалькіх затрыманых. Нагадаем, 60-гадовы Дыега Марадона памёр заўчора ад прыпынку сэрца. У Аргенціне была абвешчана трохдзённая жалоба.