Чэмпіянат свету па хакеі дасягнуў кульмінацыі. Каманды б'юцца за выхад у чвэрцьфінал, і мы можам ужо канстатаваць, што беларусаў там не будзе. Моладзь Андрэя Скабелкі, якая паказала цікавы хакей у матчы з тымі ж шведамі, прайграла Нарвегіі. Гадоў 8-10 таму такі вынік быў бы ўспрыняты як непрыемная сенсацыя, зараз жа гэта, на жаль, стала нормай.
У Стакгольме працуе здымачная група сумеснага праекта Белтэлерадыёкампаніі, Прэзідэнцкага спартыўнага клуба і Федэрацыі хакея Пункт адліку.
Game over - рэпартаж Андрэя Іванова.
Вы паглядзіце на колькасць спонсараў, у 1995 іх было ўсяго некалькі, зараз 25-30 - расказвае аўтарытэтны спецыяліст, які адказвае за тэлевізійны складальнік чэмпіянату свету Еахім Хетцэр. І дабаўляе: Гэта ўсё шмат у чым дзякуючы нам!. Сакрэтаў, для таго, каб зрабіць якасны прадукт, шмат, - прадаўжае Еахім. Напрыклад, каб лёд быў такім белым, гэта вельмі важна і асабліва прыкметна падчас трансляцыі, мы дабаўляем пры заліванні спецыяльны парашок.
Ёахім Хетцэр, дырэктар па зімовых відах спорту кампаніі Infront: Сёлета карцінку са Стакгольма і Хельсінкі бачаць у 119 краінах. Вы ўяўляеце, да нас прыехалі мексіканцы і задалі банальнае пытанне: колькі перыядаў у хакеі, і як доўга яны доўжацца? Калі мы ім адказалі, яны замест 4 матчаў вырашылі купіць 12! Зараз чэмпіянат свету глядзяць нават у Гандурасе!
Звычайны выкладчык спеваў за адно імгненне стаў вядомы ва ўсёй Швецыі. І не толькі ў Швецыі. Паспелі ацаніць яго вакальныя даныя і беларускія тэлегледачы. Маціяс прызнаецца, што вучыць словы было не проста.
Матыас Даніэльсан, выкладчык спеву, выканавец Гімна Рэспублікі Беларусь на чэмпіянаце свету па хакеі - 2013: Беларуская мова вельмі складаная, асабліва для шведа. Вы ведаеце, ёсць такія словы, якія спачатку даваліся з асаблівай цяжкасцю, напрыклад, шчыра… Шчыра сябруем, сiлы гартуем… Тры дні я ўпарта трэніраваўся і вучыў тэкст! Спадзяюся, у мяне атрымліваецца, не судзіце строга.
Тэрыторыя, якая прылягае да стакгольмскай Глобен-Арэны, на 2 з паловай тыдні ператварылася ў прамоўшн-пляцоўку. Арыгінальная рэклама сантэхнікі мясцовай вытворчасці суседнічае са стэндамі будаўнічай кампаніі. 2 дакладныя кідкі і майка ў падарунак - ідэальная раскрутка брэнда.
Мінімум аховы і паліцыі. За бяспеку аргкамітэт стакгольмскай часткі турніру не надта хваляваўся. Сцюарды на ўваходах, каля дзясятка паліцэйскіх на самой арэне і тыя ў большай ступені сочаць за перыпетыямі на лёдзе, чым за паводзінамі балельшчыкаў.
Арганізатары звярсталі каляндар такім чынам, што беларусы атрымалі адразу 3 выхадныя. Гэта шмат, улічваючы, што трэніроўкамі падтрымаць гульнявы тонус складана. Зрэшты, з'явіўся час для невялікай экскурсіі. Своеасаблівы працэс каранавання маладога нападаючага на яго выніковасці не адбіўся. Зрэшты, у матчы з канадцамі, адразу пасля паўзы, гульня не ішла ва ўсёй каманды. Заданне было гуляць ад абароны і ў цела. Выканаць яго ўдалося толькі часткова. Зоркі НХЛ правільна рэалізоўвалі большасць і, як здалося, закінулі столькі, колькі захацелі. 1:4, адзіную беларускую шайбу на свой рахунак запісаў Аляксей Яфіменка.
На наступны дзень гульцы ў большасці сваёй камеру нашу ігнаравалі. Калі ў суботу раніцай каманда захоўвала шанцы на выхад у плэй-оф, то бліжэй да канца дня мары згуляць у накаўт-раўндзе расталі пад дахам Globen-Arena. Такую невыразную гульню, як з Нарвегіяй, каманда на гэтым турніры не паказвала. Лік 1:3 справядлівы і адлюстроўвае рэчаіснасць. Дарэчы, скандынавам мы прайгралі ўпершыню ў гісторыі на чэмпіянатах свету. А якіх-небудзь гадоў 8-10 таму такі вынік быў бы ўспрыняты як сенсацыя, зараз гэта ўжо норма.
