Такі выбар зрабілі члены выканкама Міжнароднага саюза біятланістаў.
Пасля рэканструкцыі спарткомплекс паспеў зарэкамендаваць сябе з самага лепшага боку пасля моладзевага чэмпіянату свету і зорнай "Гонкі легенд", якая два гады запар праходзіла ў Раўбічах. Пры гэтым і ўдзельнікі, і госці спаборніцтваў адзначалі ўнікальнасць і камфорт комплексу, прычым як па частцы саміх гонак, так і трэніровачнага працэсу. Чэмпіянаты свету па гэтым відзе спорту праводзяцца з 96-га года. Беларусь у 2019 прыме і Другія Еўрапейскія гульні, і іншыя міжнародныя спаборніцтвы. Найбліжэйшы форум па летнім біятлоне пройдзе ў наступным годзе ў расійскім Чайкоўскім.
Анатоль Стромскі, генеральны сакратар Беларускай федэрацыі біятлона:
"Раўбічы для летняга біятлона падыходзяць ідэальна. Гэта адзін з лепшых комплексаў у свеце, дзе трасы цудоўнай якасці, тут добры асфальт. Пасля рэканструкцыі гэта выдатны комплекс".
Тым часам Дар'я Домрачава плануе вярнуцца ў біятлон ужо на першым у новым годзе этапе Кубка свету ў нямецкім Оберхофе або Рупольдынгу. Трохразовая алімпійская чэмпіёнка інтэнсіўна рыхтуецца да сезона ў Шушэне. Біятланістка прапусціла менш за 15 спаборніцкіх месяцаў і таму можа выступаць адразу на гонках Кубка свету, абыходзячы прамежкавыя старты Кубка IBU.