Каб быць у гармоніі са светам, важна не толькі весці здаровы лад жыцця, займацца спортам, але і любіць справу, якую выбраў. Словы міністра ўнутраных спраў нашай краіны Ігара Шуневіча. А яшчэ без спартыўнай падрыхтоўкі невыканальныя і задачы, якія ставяцца перад вайскоўцамі. Вялікае спартыўнае свята правяла сёння беларуская міліцыя разам са спартсменамі, выхаванцамі падшэфнай школы-інтэрната, навучэнцамі ліцэя МУС, сябрамі і, вядома, роднымі. Падобнае мерапрыемства - унікальная магчымасць адпачыць разам з сям'ёй, пагутарыць з калегамі і, вядома ж, памерацца сіламі. Тон святу задаў асабіста міністр Ігар Шуневіч. І, як ён сам прызнаўся, зараз надаваць спорту шмат часу не атрымліваецца, але штодзённая ранішняя зарадка - гэта абавязкова, і, па магчымасці, прагулкі на веласіпедзе.
Ігар Шуневіч, міністр унутраных спраў Беларусі: "Маё меркаванне адназначнае: у сучасных умовах супрацоўнік унутраных спраў без належнай фізічнай падрыхтоўкі (вядома, патрэбна юрыдычная падрыхтоўка, вядома, патрэбна псіхалагічная падрыхтоўка) не зможа выканаць той аб'ём задач, які перад ім стаіць як мінімум, а як максімум - ён не выявіць усе гэтыя якасці, каб дапамагчы чалавеку, выратаваць яго".
Спартыўныя спаборніцтвы, эстафеты, рыбалка - кожны з гасцей знайшоў занятак па гусце. Меней актыўным прапанавалі выставу рэтра-машын, майстар-клас ад лепшых беларускіх байкераў і паказальныя выступленні кінолагаў. А на фінішы вялікага свята вызначылі лепшага ў сваім кірунку. Хтосьці атрымаў кубак, а хтосьці добры настрой.
