Беларускія зенітчыкі паспяхова выступілі на Міжнародных армейскіх гульнях і занялі другое месца па выніках выпрабавання "Ключы ад неба". Спаборніцтвы зенітна-ракетных комплексаў паказалі зладжанасць беларускай каманды. Разлік комплексу С-300 пераадолеў 8 этапаў, сярод якіх спаборніцтва вадзіцеляў, марш ракетным дывізіёнам С-300, адбіццё ўдару ўмоўнага праціўніка. Такі конкурс на армейскіх гульнях праходзіў упершыню. Мацнейшымі за нашых ракетчыкаў апынуліся толькі расіяне.
Ігар Голуб, намеснік камандуючага ВПС і войскамі СПА Узброеных Сіл Беларусі: "Была створана дуэльная сітуацыя, усе баявыя разлікі былі ў роўных умовах. Былі запушчаныя баявыя ракеты "Армавір" - гэта складаныя ракеты. У гэтай сітуацыі нашы разлікі першымі паразілі ўсе ракетамішэні".
Максім Мышанцаў, аператар ручнога суправаджэння ЗРК СЗ-300ПС: "Для мяне гэта быў першы пуск, бо я салдат тэрміновай службы. Не многім салдатам выпадае такі гонар. Для мяне гэта было вельмі павучальна, цікава, захапляльна".
Дзве сотні вайскоўцаў з Беларусі прымаюць удзел у 8 выпрабаваннях з 23 магчымых. Наша краіна - адна з нямногіх, дзе асноўны склад каманд - салдаты-тэрміновікі. У адрозненне ад кантрактнікаў, за плечамі ў гэтых вайскоўцаў невялікі стаж.
