Сёння ў сталічным Доме футбола ўручылі сертыфікаты абласным цэнтрам фізвыхавання. Неўзабаве мячы з лагатыпам федэрацыі змогуць разыграць на школьных стадыёнах і ў спартзалах усіх рэгіёнаў. Ініцыятары не выключаюць, што да рэспубліканскай акцыі "Футбольныя мячы - школам" у будучыні змогуць далучыцца і знакамітыя беларускія футбалісты.
Юных спартсменаў чакаюць у чэрвені на трыбунах новага стадыёна для пляжнага футбола. У рамках II Еўрапейскіх гульняў будзе разыграны камплект медалёў. У Мінск прыедзе 8 нацыянальных зборных. Арэна пабудавана на тэрыторыі комплексу "Алімпійскі", яна можа змясціць паўтары тысячы балельшчыкаў. Яе будаўніцтва завяршылася мінулым летам. Стадыён у 2018 упершыню прыняў 4-ы этап Еўралігі па пляжным футболе.
