Нашым футбалістам ужо заўтра зноў трэба будзе трымаць удар перад "Арсеналам". У Лондане на стадыёне "Эмірэйтс" каманды пазмагаюцца за выхад у 1/8 фіналу. Прычым улічваючы характар нядаўняга паядынку ў Барысаве, у БАТЭ ёсць усе шанцы ўтрымаць свае пазіцыі. Ва ўжо вясновую сталіцу Брытаніі адправілася мая калега Ганна Эйсмант. Ні рэзкая змена клімату, ні страта голасу не ўтрымалі яе ад рызыкі спартыўнай барацьбы.
Здымачная група АТН прыбыла ў Лондан і гатовая расказваць і паказваць, што ж тут зараз адбываецца! Стадыён-прыгажун "Эмірэйтс" гатовы да матча "Арсенал" - БАТЭ! Гаспадары ўжо правялі сваю трэніроўку, мы ў чаканні выхаду на гэты газон і нашых барысаўскіх хлопцаў! А пакуль адбылася перадматчавая прэс-канферэнцыя з удзелам галоўнага трэнера БАТЭ Аляксея Багі. Прапаноўваю вашай увазе фрагменты прэс-канферэнцыі.
Дарэчы, Лондан сустрэў нас выдатным сонечным надвор'ем - сёння тут плюс 12! Мае галасавыя звязкі не вытрымалі выпрабавання з мінскага холаду адразу ў па-вясноваму цёплае лонданскае надвор'е. Такім чынам, роўна суткі да старту матча ў адказ 1/16 фіналу Лігі Еўропы "Арсенал" - БАТЭ. Тэлеканал "Беларусь 5" пакажа яго ў прамым эфіры, пачатак у 20:50!
А мы ў заўтрашніх навінавых выпусках на "Беларусь 1" раскажам апошнія навіны каманд і прадставім інтэрв'ю футбалістаў БАТЭ! Так што, сачыце за эфірам і за навінамі на www.tvr.by і на старонках Белтэлерадыёкампаніі.
