Добрая заяўка на выхад у трэці раўнд кваліфікацыі футбольнай Лігі чэмпіёнаў! БАТЭ перамагае нарвежскі "Русенборг" у хатнім супрацьстаянні - 2:1 пры аншлагу на "Барысаў-Арэне". Падтрымаць жоўта-сініх прыйшлі больш як 13 тысяч балельшчыкаў, усе білеты былі распрададзеныя. І футбалісты не падвялі сваіх прыхільнікаў. У першым тайме з пенальці вызначыўся Ігар Стасевіч, у другой палове зноў вывеў наперад гаспадароў Максім Скавыш. Важны гол на выездзе за скандынаваў правёў Андэрс Кондрасен.
Гульня ў адказ пройдзе праз тыдзень у нарвежскім Тронхейме. Прамая трансляцыя таксама на тэлеканале "Беларусь 5". Стартавы свісток прагучыць у 20 гадзін.
БАТЭ перамагае нарвежскі "Русенборг" пры аншлагу на "Барысаў-Арэне"
25 июля 2019