Дырэктар Рэспубліканскага цэнтра алімпійскай падрыхтоўкі па лёгкай атлетыцы Андрэй Фомачкін каля гадзіны таму прыляцеў у Мінск з Бразіліі. Нагадаем, Міжнародны паралімпійскі камітэт адхіліў расійскую зборную ад удзелу ў Гульнях з-за падазрэнняў у тым, што спартсмены замяшаныя ў допінгавых махінацыях.
Беларуская дэлегацыя вырашыла падтрымаць суседзяў. Падчас парада каманд Фомачкіну ўдалося пранесці расійскі флаг каля чвэрці круга, пасля чаго трыкалор быў канфіскаваны. Афіцыйная прычына пакарання: парушэнне забароны на палітычныя жэсты.
Паралімпійскія гульні ў Рыа-дэ-Жанэйра прадоўжацца да 18 верасня. За гэты час спартсмены разыграюць 528 камплектаў узнагарод у 22 відах спорту.
Высакародны ўчынак не абышоўся без спекуляцый. Адна з інтэрнэт-крыніц паведаміла аб тым, што кіраўнік беларускай місіі на Паралімпіядзе Мікалай Шудзейка даў інтэрв'ю брытанскай "Гардыян" і нібы ў гутарцы ён асудзіў дзеянні Андрэя Фомачкіна, заявіўшы, што каманда "засмучаная і абураная" тым, што яе спрабуюць выкарыстаць з палітычнымі мэтамі. Нам удалося звязацца з Мікалаем Шудзейкам, а таксама іншымі членамі беларускай зборнай па тэлефоне. У гутарцы з карэспандэнтам нашага канала Мікалай Шудзейка поўнасцю абверг гэтую інфармацыю, і інтэрв'ю газеце "Гардыян" назваў няпраўдай.
