Задача Дзяржаўтаінспекцыі - знізіць узровень аварыйнасці і наездаў, асабліва ў такое надвор'е. У Мінскай вобласці супрацоўнікі праводзяць прафілактычныя гутаркі на месцы. Паказваюць на парушэнні, якія дапускаюць пешаходы пры пераходзе па зебры. Акрамя парад па бяспецы, уручаюць флікеры. Гэта дадатковая засцярога і абавязковы атрыбут для перамяшчэння ў цёмны час сутак.
Асабліва асцярожнымі ўсім удзельнікам дарожнага руху раяць быць на хуткасных магістралях. Пешаходам трэба карыстацца толькі пазначанымі месцамі для пераходу, вадзіцелям пры пад'ездзе да такіх участкаў - зніжаць хуткасць.
