У гэтыя хвіліны ў Пекіне праходзіць сустрэча Прэзідэнта Аляксандра Лукашэнкі і старшыні Кітайскай Народнай Рэспублікі. Беларускі лідар падзякаваў Сі Цзіньпіну за інвестыцыі і крэдыты, пададзеныя для рэалізацыі інфраструктурных праектаў. За гэтыя сродкі ў Беларусі будуюцца дарогі, распрацоўваецца шэраг праектаў для засваення фінансаў.
А ў першай палове дня Аляксандр Лукашэнка сустрэўся з першым намеснікам прэм'ера Дзяржсавета КНР Чжанам Гаалі. Былі пазначаныя пытанні, якія Беларусі і Кітаю трэба вырашаць у хуткім часе. Паводле слоў Аляксандра Лукашэнкі, бакі не сыходзілі і ад абмеркавання праблемных пытанняў. Чжан Гаалі засведчыў, што рашэнні кіраўнікоў дзяржаў будуць няўхільна выконвацца. Кіраўнік дзяржавы адзначыў, што беларускі бок абсалютна задавальняе формула перамоў, якая склалася, - усебаковае стратэгічнае партнёрства. Пра гэта гаворыць і частата сустрэч кіраўніцтва абедзвюх краін. На думку Аляксандра Лукашэнкі, гэта вельмі важна для ўмацавання двухбаковых адносін.
У гэтыя дні Кіраўнік беларускай дзяржавы знаходзіцца з рабочым візітам у Кітаі. У Аляксандра Лукашэнкі запланаваны шэраг двухбаковых сустрэч з кіраўніцтвам краіны. Літаральна некалькі хвілін таму завяршыліся перамовы са старшынёй КНР Сі Цзіньпінам. Менавіта ад кіраўніка Кітая беларускі лідар атрымаў асабістае запрашэнне прыняць удзел ва ўрачыстых мерапрыемствах, прымеркаваных да 70-годдзя перамогі ў антыяпонскай вайне і заканчэння Другой сусветнай. У сувязі з гэтым у Кітаі адбудзецца грандыёзны парад. І як стала вядома, Аляксандр Лукашэнка падпісаў дырэктыву №5 "Аб развіцці двухбаковых адносін Беларусі з Кітайскай Народнай Рэспублікай". Паводле дакумента асновай узаемнага супрацоўніцтва стане рашучая падтрымка ў пытаннях суверэнітэту, тэрытарыяльнай цэласнасці, бяспекі і эканамічнага развіцця.
