Гэты факт Прэзідэнт Аляксандр Лукашэнка асабліва адзначыў на ўрачыстай цырымоніі ўручэння дзяржузнагарод лепшым працаўнікам аграрнай галіны.
Прэзідэнт паведаміў, што 2018 год у Беларусі вырашана аб’явіць Годам малой радзімы. Кіраўнік дзяржавы растлумачыў, што на прыняцце такога важнага рашэння падштурхнулі разважанні аб важнасці малой радзімы ў лёсе кожнага чалавека. Прыгожыя лозунгі і словы варта падмацаваць канкрэтнымі справамі і ўчынкамі. І гэты асабісты ўдзел у добраўпарадкаванні будзе прыкладам сапраўднага патрыятызму для новых пакаленняў.
Усяго ў Мінск з'ехаліся амаль паўтысячы гасцей. Лепшым работнікам АПК Аляксандр Лукашэнка ўручыў дзяржаўныя ўзнагароды. Гэта кіраўнікі гаспадарак, фермеры, перадавікі сельгасвытворчасці, вышэйшыя службовыя асобы, кіраўнікі міністэрстваў і ведамстваў, мясцовых органаў улады, лідары грамадскіх арганізацый.
