Наконт гэтага старшыня ведамства Іван Наскевіч праінфармаваў сёння на сустрэчы кіраўніка дзяржавы. Аляксандра Лукашэнку цікавіла якасць следства, а таксама давядзенне да суда гучных крымінальных спраў, якія традыцыйна на асабістым кантролі прэзідэнта.
Прэзідэнт сустрэўся з кіраўніком Следчага камітэта
Іван Наскевіч, Старшыня Следчага камітэта Беларусі: "Збольшага змянілася структура злачыннасці, нахіл адбыўся ў бок злачынстваў у сферы інфармацыйных тэхналогій. Гэта тэндэнцыя апошніх гадоў. Колькасць гэтых злачынстваў няўхільна расце, і праваахоўны блок таксама пераарыентаваўся на тое, каб раскрываць злачынствы падобнага роду з дапамогай тых жа інфармацыйных тэхналогій".
Кіберзлачыннасць
Паводле звестак СК, кожнае восьмае злачынства ў краіне ўчыняецца анлайн. Рост у параўнанні з 2019 годам амаль у паўтара раза. І нават такія класічныя віды, як вымагальніцтва і махлярства, у 90 % выпадкаў сышлі ў віртуальную прастору. У праваахоўнай сістэмы Беларусі ёсць ім годны адказ. Раскрываюцца і іншыя злачынствы. Як адзначыў Іван Наскевіч, некаторыя грамадзяне разлічвалі на занятасць праваахоўнікаў у паслявыбарны перыяд і таму рашыліся на разбойныя напады. Але былі аператыўна затрыманы і будуць прыцягнуты да адказнасці.
