Рашэнні Прэзідэнта па кадрах у МУС, мясцовай вертыкалі і СМІ. Так, сёння прызначаны адразу некалькі новых кіраўнікоў упраўленняў унутраных спраў у рэгіёнах. Аляксандр Астрэйка ўзначаліць УУС Мінскай вобласці, Алег Шулякоўскі зойме аналагічную пасаду ў Брэсцкім рэгіёне, Дзмітрыя Разянкова кіраўнік дзяржавы прызначыў начальнікам гродзенскай міліцыі. Звяртаючыся да праваахоўнікаў, Прэзідэнт нагадаў аб дакладнай і суладнай працы па гарантаванні бяспекі ў краіне.
Кадравыя рашэнні пятніцы закранулі і Белтэлерадыёкампанію. Сяргей Гусачэнка прызначаны кіраўніком дзяржавы першым намеснікам старшыні БТ. Дзмітрый Прымшыц - намеснікам старшыні Белтэлерадыёкампаніі.
Абнаўленне і ў рэгіянальнай вертыкалі, у тым ліку па лініі намеснікаў губернатараў. Так, на пасаду першага намесніка старшыні Гродзенскага аблвыканкама ўзгоднены Юрый Валяваты. Дзяніс Курленка з гэтага часу намеснік старшыні ў Мінаблвыканкаме. На пасаду старшыні Воранаўскага райвыканкама Прэзідэнтам узгоднены Дзмітрый Захарчук. Кіраваць Ленінскім раёнам Гродна будзе Ігар Бабыр. Для іх у першую чаргу зямныя задачы: не зацягваць пасяўную кампанію і карэктна працаваць з людзьмі.