Прэзідэнт Аляксандр Лукашэнка сёння правёў сустрэчу і са старшынёй савета дырэктараў ABH Holdings. Інвестыцыйная кампанія ўваходзіць у наглядальны савет "Альфа-Груп". Па прапанове Кіраўніка дзяржавы гэта ўплывовая расійская кампанія павінна быць шырэй прадстаўлена ў Беларусі, працуючы ў інтарэсах дзвюх краін. Пётр Авен падзякаваў беларускаму лідару за магчымасць сустрэчы і распавёў аб развіцці бізнесу ў нашай краіне.
"Альфа Груп" - адзін з найбуйнейшых прыватных фінансавых кансорцыумаў нашага партнёра па Саюзнай дзяржаве. Група кампаній працуе пераважна на рынках Расіі і СНД. Адзін з кірункаў дзейнасці - інвестыцыі ў банкаўскую сферу.
