Спрацавалі лепш, чым летась. Так ацэньваюць вынікі працы прадпрыемстваў і арганізацый, падпарадкаваных Упраўленню справамі Прэзідэнта. Пра папярэднія вынікі Аляксандру Лукашэнку далажыў кіраўнік спраў Віктар Шэйман. Трэнд пазітыўны. Чакаюць нядрэнную выручку па годзе. Абарот знешняга гандлю таварамі і паслугамі перавысіў 300 мільёнаў долараў. У тры разы скарочана колькасць стратных прадпрыемстваў. Ёсць новыя і перспектыўныя кірункі ў працы, у тым ліку запуск серыйнай вытворчасці пластыкавых лыж. Віктар Шэйман далажыў, як ідзе справа.
З улікам таго што менавіта ён курыруе афрыканскі вектар, падчас сустрэчы ў Прэзідэнта абмяркоўвалі ход будаўніцтва шэрагу сумесных прадпрыемстваў. Закранулі кадравыя пытанні ў сістэме Упраўлення справамі.
Дарэчы, канец года праходзіць у напружаным тэмпе, не расслабішся. У Прэзідэнта ў гэты час маса падзей і сустрэч. Клопаты прыемныя, але ўся нагрузка па забеспячэнні мерапрыемстваў як раз і кладзецца на Упраўленне справамі. Сярод запланаванага і традыцыйная дабрачынная акцыя "Нашы дзеці", і новы фармат "Венскі баль", які плануецца правесці ў Палацы Незалежнасці ў суботу. Ён пройдзе не без удзелу аўстрыйцаў, якім даўно спадабалася вялізная зала ўрачыстых цырымоній. Мы толькі за. Гэта лакацыя найлепш падыходзіць для такіх маштабных і прыгожых пераднавагодніх сустрэч.
Прэзідэнт прыняў з дакладам Віктара Шэймана
23 декабря 2019