Рэфармаванне і аптымізацыя сістэмы МУС - гэтае пытанне сёння стала адным з прадметаў абмеркавання падчас рабочай сустрэчы Аляксандра Лукашэнкі. Прэзідэнт прыняў з дакладам Міністра ўнутраных спраў Беларусі Ігара Шуневіча. Кіраўнік дзяржавы падкрэсліў, што чакае ад ведамства садзейнічання пры аналізе дзейнасці сельскай і камунальнай гаспадарак, а таксама будаўнічай галіны.
У сваю чаргу кіраўнік ведамства далажыў Прэзідэнту Беларусі аб бягучым стане спраў у МУС. У прыватнасці, аб выніках, якіх дабіліся ў пытанні рэфармавання структуры.
Ігар Шуневіч падкрэсліў, што меры, якія прымаюць органы ўнутраных спраў ва ўзаемадзеянні з іншымі зацікаўленымі ведамствамі, дазваляюць станоўча ўплываць на цяперашнюю сітуацыю і забяспечваць пазітыўныя змяненні ў яе развіцці.
