Бяспека краіны як ключавы фактар развіцця і стабільнасці. Ва ўмовах глабальнай напружанасці і новай гонкі ўзбраення гэта жыццёва важнае для дзяржавы пытанне.
Прэзідэнт Аляксандр Лукашэнка сёння прыняў з дакладам Дзяржсакратара Савета бяспекі Аляксандра Вальфовіча. Кіраўнік дзяржавы адзначыў: у свеце раскручваецца новая гонка ўзбраенняў, і нашай краіне неабходна быць гатовай да любых, часам нават самых складаных, сцэнарыяў развіцця падзей. Больш за тое, Прэзідэнту прапанавана дадаць у склад пастаянных членаў Савета бяспекі міністра абароны, кіраўніка МУС і старшыню КДБ.Прэзідэнт адзначыў: у выпадку абвастрэння сітуацыі неабходна прадугледзець усё да дробязяў. У фокусе ўвагі вопыт не толькі свой. Многаму нас можа навучыць сітуацыя ў Расіі, Арменіі, Кыргызстане, Украіне і іншых постсавецкіх рэспубліках. Па словах дзяржсакратара Савета бяспекі, сілавы блок Беларусі гатовы да любых змяненняў як знешняй, так і ўнутрыпалітычнай сітуацыі. Для гэтага арганізаваны дастатковы ўзровень узаемадзеяння паміж усімі органамі сістэмы бяспекі.
Аляксандр Вальфовіч прызначаны на пасаду дзяржсакратара Савета бяспекі ў канцы студзеня. Дагэтуль узначальваў Генеральны штаб Узброеных Сіл. І літаральна за пяць дзён да ўступлення ў сілу новых паўнамоцтваў генерал-маёр кіраваў комплекснай праверкай боегатоўнасці беларускай арміі. Дзеянне нашых войскаў адпрацоўвалася практычна на ўсіх палігонах краіны.
