Кіраўнік дзяржавы даручыў будаваць эканамічна выгадныя свінакомплексы для хуткага атрымання свініны. Такую задачу Аляксандр Лукашэнка паставіў сёння падчас наведвання прадпрыемства ЖодзінаАграПлемЭліта. На думку навукоўцаў, так званую хуткую свініну зрабіць можна пры мінімальных выдатках. Навукова-практычны цэнтр па жывёлагадоўлі ўжо 4 гады працуе над праектам. Яго сутнасць - будаўніцтва танных адкормачных комплексаў. З выгляду яны падобныя на гіганцкія цяпліцы. У іх ёсць і сістэма біялагічнай абароны. Уражвае і эканоміка праекта. Рэнтабельнасць парніковых парасят амаль 40%.
Прэзідэнт гэту прапанову падтрымаў. Выгадная кан'юнктура знешніх рынкаў падштурхоўвае не адкладваць рэалізацыю мяснога праекта. Усе падрабязнасці рабочай паездкі Кіраўніка дзяржавы глядзіце сёння ў Панараме.
