Актывізаваць расследаванне крымінальнай справы па Бярозаўскай ДРЭС. Такое даручэнне сёння даў Прэзідэнт, наведваючы электрастанцыю. Аляксандр Лукашэнка цікавіўся ходам мадэрнізацыі станцыі, у прыватнасці, працай 5 энергаблока. Яго рэканструкцыя павінна была завяршыцца яшчэ ў 2010 годзе. Як адзначыў Кіраўнік дзяржавы, абсталяванне пакуль працуе не на поўную магутнасць, нягледзячы на сур'ёзныя інвестыцыі з боку дзяржавы.
Таксама Прэзідэнт пагутарыў з працоўным калектывам электрастанцыі. Людзі цікавіліся ростам зарплаты ў сацыяльнай сферы, занятасці, а таксама магчымай сустрэчай прэзідэнтаў Беларусі, Расіі, Казахстана і Украіны ў Мінску.
Сёння, наведваючы ДРЭС, Прэзідэнт даручыў кантралюючым органам праверыць абгрунтаванасць тарыфаў ЖКГ па краіне.
