Яны выхоўваюць пяцярых дзяцей, ратуюць сотні жыццяў і рызыкуюць уласным. Прэзідэнт Беларусі ўручыў дзяржаўныя ўзнагароды заслужаным людзям краіны. Урачы, педагогі, спартсмены, артысты - гэты чацвер стаў святочным днём і адзнакай у асабістай біяграфіі для 39 беларусаў. Шматлікую групу сярод узнагароджаных склалі людзі ў пагонах. Менавіта на іх плячах - бяспека і абараназдольнасць, а значыць, суверэнітэт і незалежнасць Беларусі.
Сярод тых, хто ўдастоены высокіх узнагарод, былі і шматдзетныя маці. Сёння за выкананне высокай місіі мацярынства і клопат пра дзяцей яны атрымалі знакавую ўзнагароду - ордэн Маці. Усім прысутным Аляксандр Лукашэнка падзякаваў за вялізны ўнёсак і тую ролю, якую кожны адыгрывае ў дзяржаўным будаўніцтве, эканоміцы, прамысловасці і культуры.
