Флагманам калійнай вытворчасці ў Цэнтральна-Азіяцкім рэгіёне павінен стаць Туркменістан. Пра гэта заявіў Прэзідэнт Аляксандр Лукашэнка сёння на цырымоніі запуску Гарлыкскага горна-абагачальнага камбіната.
Радовішча размешчана на паўночным усходзе Туркменістана. Геолагаразведка вялася яшчэ ў 60-х гадах. Але ў той час у Савецкага Саюза не было тэхналогій для такой маштабнай вытворчасці. Новая галіна горна-хімічнай прамысловасці створана ў Туркменістане фактычна з нуля. У 2011 за будаўніцтва Гарлыка ўзяліся беларусы. Іміджавы для краіны праект ацанілі ў мільярд долараў. Генпадрадчыкам выступіў Белгорхімпрам, які выкарыстаў беларускае абсталяванне і машыны. Прэзідэнты Аляксандр Лукашэнка і Гурбангулы Бердымухамедаў азнаёміліся з прадпрыемствам і далі афіцыйны старт працы камбіната.
Чакаецца, што на працягу трох гадоў на прадпрыемстве будуць атрымліваць амаль паўтара мільёна тон калійнай прадукцыі за год. Першую партыю - больш за тону ўгнаенняў - на Гарлыке ўжо здабылі. Частку паставілі на ўнутраны рынак, астатняе экспартавалі ў Афганістан.
Афіцыйны візіт Аляксандра Лукашэнкі ў Туркменістан завершаны. У аэрапорце Кіраўніка беларускай дзяржавы асабіста праводзіў прэзідэнт Туркменістана. Лідары паспелі правесці кароткую размову і цёпла развіталіся.
