Пра важнасць практычнай рэалізацыі абароннага ўзаемадзеяння ўчора гаварыў Прэзідэнт Беларусі

У Беларусь прыбудзе група спецыялістаў на чале з галоўнакамандуючым ВПС Расіі. Ім трэба будзе выбраць аэрадром для размяшчэння беларуска-расійскай авіябазы. Як паведаміў Сяргей Шайгу на Савеце міністраў абароны краін СНД, авіяцыйная камендатура і першыя самалёты на гэтай базе з'явяцца ўжо сёлета. Пра важнасць практычнай рэалізацыі абароннага ўзаемадзеяння ўчора гаварыў Прэзідэнт Беларусі Аляксандр Лукашэнка. У цяперашнім складаным геапалітычным становішчы на сусветнай арэне гэтая сфера інтэграцыі набывае асаблівую значнасць. На Савеце міністраў абароны краін СНД зацвердзілі план сумесных мерапрыемстваў узброеных сіл на наступны год. Адным з ключавых момантаў стане ўзаемадзеянне ваенных у галіне гуманітарнага размініравання і супрацьпаветранай абароны.