Не застаецца без увагі сітуацыя, якая складваецца ля нашых заходніх меж

Спецыялісты Узброеных сіл  канстатуюць эскалацыю і нарошчванне ваеннай кампаненты. У Беларусі спакойна на гэта глядзець і ігнараваць сітуацыю не маюць намеру. Выпрацаваны  пэўны алгарытм рэагавання на такія падзеі. Прэзідэнт даручыў  перакінуць дадаткова  частку баявых падраздзяленняў нашай арміі на заходні контур. Хтосьці расцаніў гэта як празмернае нагнятанне становішча. Але гэта перш за ўсё адэкватная рэакцыя на тое, што адбываецца ля нашых меж. 

Аляксандр Лукашэнка, Прэзідэнт Рэспублікі Беларусь: "Міністэрству абароны асаблівую ўвагу варта надаць перамяшчэнню войскаў НАТА на тэрыторыю Польшчы і Літвы. Мы павінны адсочваць кірункі іх руху і іх задумы. Але зараз мы ўсе гэтыя задумы бачым. Асабліва нас гэта не напружвае, але асобныя факты, асабліва на гродзенскім кірунку, прымушаюць задумацца. Таму нам абавязкова трэба прымаць меры і не саромецца выводзіць нашы Узброеныя сілы і тэхніку на кірункі іх перамяшчэння". 

Міністэрства абароны  адразу ж пачало выконваць задачы, пастаўленыя кіраўніком дзяржавы. Вайскоўцы актывізавалі падрыхтоўку войскаў  да выканання адпаведных задач на гродзенскім тактычным кірунку. Асаблівая ўвага заходняму аперацыйнаму кірунку.