Гэты дзень для тых, хто прысутнічаў сёння ў Палацы Незалежнасці, стане знакавай падзеяй як у асабістым, так і прафесійным плане. Прэзідэнт Аляксандр Лукашэнка ўручыў дзяржаўныя ўзнагароды людзям, якімі па праве можа ганарыцца краіна. Гэтая падзея знакавая ўдвая, бо прымеркавана да вялікага свята - Дня Перамогі. Сапраўдныя прафесіяналы сваёй справы атрымалі з рук кіраўніка дзяржавы ордэны, медалі, ганаровыя званні. Вядома, усё гэта за выдатныя заслугі ў працоўнай дзейнасці. Шмат заслужаных - настаўнікі, дзеячы навукі і культуры, работнікі сельскай гаспадаркі, артысты. Вядома, большасць запрошаных перажыла радасць працоўных перамог. Але былі і тыя, на чыё жыццё выпалі выпрабаванні, якія большасць з нас ведае толькі па падручніках гісторыі і фільмах. Нялёгкім быў шлях Валянціны Баранавай - франтавічкі-сувязісткі, якая дайшла да Прагі. Але дзякуючы такім людзям-легендам, як яна, удаецца захаваць і перадаць гэтую памяць наступным пакаленням. У наш мірны час 24 на 7 трымаюць абарону, засцерагаюць наш суверэнітэт і незалежнасць людзі ў пагонах. За сваю самаадданую працу яны сёння таксама ўдастоеныя вышэйшых дзяржузнагарод. Усе моманты гэтай прыгожай і кранальнай цырымоніі - у рэпартажы Ілоны Красуцкай (відэа).
