Беларусь і Азіяцкі банк інфраструктурных інвестыцый плануюць актыўна развіваць супрацоўніцтва

6 Верасня 2019

Пералік праектаў, у якіх можа прыняць удзел фінансавы інстытут,  абмяркоўвалі напярэдадні ў Палацы Незалежнасці. Аляксандр Лукашэнка і кіраўнік банка Цзінь Ліцюнь акцэнтавалі ўвагу на геаграфічнай пазіцыі Беларусі. Яна - цэнтр Еўропы і гандлёвае скрыжаванне  для Захаду і Усходу. Адгэтуль і патрэбнасць у пастаянным  развіцці дарог і лагістычных магчымасцяў.

Азіяцкі банк інфраструктурных інвестыцый адкрыўся пяць гадоў назад і ўжо стаў адным з найбуйнейшых фінансавых інстытутаў Еўразіі са статутным капіталам  сто мільярдаў долараў. Галоўная мэта - садзейнічанне развіццю эканомік краін і ўліванне інвестыцый у энергетыку, транспарт і гарадское развіццё. Беларусь далучылася да праграмы ў пачатку гэтага года.