Аб гэтым сёння ў Ташкенце заявіў Аляксандр Лукашэнка на сустрэчы са Старшынёй КНР Сі Цзіньпінам. Нагадаем, Прэзідэнт Беларусі прымае ўдзел у пасяджэнні Савета кіраўнікоў дзяржаў Шанхайскай арганізацыі супрацоўніцтва. Саміт у Ташкенце - першы, у якім нашай краіне адведзена месца ў новым статусе назіральніка. Яго яшчэ няма ні ў адной еўрапейскай краіны. Падчас сустрэч бакі выказалі гатоўнасць да паглыблення супрацоўніцтва па ўсіх кірунках. Таксама Сі Цзіньпін запрасіў Аляксандра Лукашэнку наведаць Кітай з дзяржаўным візітам.
Кіраўнік беларускай краіны сустрэўся сёння і з прэм'ер-міністрам Індыі. Прэзідэнт адзначыў, што беларуска-індыйскія адносіны развіваюцца дынамічна, але ім неабходна надаць дадатковы імпульс. Паводле слоў Аляксандра Лукашэнкі, паміж краінамі створана дагаворна-прававая база, рэалізуецца шэраг сур'ёзных двухбаковых праектаў. Больш за тое, у лістападзе Беларусь рыхтуецца наведаць міжнародны гандлёвы кірмаш у Нью-Дэлі, дзе ўжо сёння запланавана правядзенне Дзён беларускай навукі ў Індыі.
Пасля двухбаковых сустрэч, Аляксандр Лукашэнка прыняў удзел у пасяджэнні Савета кіраўнікоў дзяржаў - Шанхайскай арганізацыі супрацоўніцтва ў пашыраным складзе. Беларускі лідар выступіў перад удзельнікамі саміту з прамовай.
