Прэзідэнт адзначыў, што Беларусь гатовая ісці па шляху паглыблення адносін як з Кітаем, так і з Шанхайскай арганізацыяй супрацоўніцтва. У сваю чаргу Сі Цзіньпін павіншаваў Аляксандра Лукашэнку з паспяховым правядзеннем усенароднага сходу і запрасіў наведаць Кітай з дзяржаўным візітам.
Пра тое, як надаць дадатковы імпульс адносінам, ішла размова на сустрэчы Прэзідэнта Беларусі з прэм'ер-міністрам Індыі. Ужо ёсць дамоўленасць аб тавараабароце на мільярд долараў да 2018 года, справа за дарожнай картай. Паводле слоў Аляксандра Лукашэнкі, паміж краінамі створаная дагаворна-прававая база, рэалізуецца некалькі сур'ёзных двухбаковых праектаў. А ў лістападзе Беларусь рыхтуецца наведаць міжнародны гандлёвы кірмаш у Нью-Дэлі, дзе запланавана правядзенне дзён беларускай навукі ў Індыі.
