Прэзідэнт Беларусі Аляксандр Лукашэнка правядзе перамовы з Прэзідэнтам Малдовы Ігарам Дадонам, які 12-14 ліпеня наведае Беларусь з рабочым візітам. Кіраўнікі дзяржаў сустрэнуцца 13 ліпеня ў Віцебску. Лідары дзвюх краін плануюць абмеркаваць увесь спектр беларуска-малдаўскага супрацоўніцтва ў палітычнай і сацыяльна-эканамічнай сферах. Асобная ўвага будзе нададзена ўзаемадзеянню ў фармаце інтэграцыйных аб'яднанняў.
У гэты ж дзень Ігар Дадон прыме ўдзел у цырымоніі ўрачыстага адкрыцця XXVI Міжнароднага фестывалю "Славянскі базар у Віцебску".
Плануецца, што падчас свайго візіту Прэзідэнт Малдовы таксама сустрэнецца з прадстаўнікамі дзелавых колаў Беларусі і малдаўскай дыяспары, наведае некалькі прадпрыемстваў і сацыякультурных аб'ектаў.