Выбары ў мясцовыя Саветы дэпутатаў пройдуць 18 лютага ў строгай адпаведнасці з выбарчым правам і максімальна адкрыта для назіральнікаў, у першую чаргу, нацыянальных. Сёння Кіраўнік дзяржавы падтрымаў прапановы Цэнтрвыбаркама па арганізацыі электаральнай кампаніі. Адпаведны ўказ будзе падпісаны да канца дня.
Прэзідэнт таксама даручыў мясцовай уладзе і губернатарам максімальна садзейнічаць кампаніі, асабліва з падрыхтоўкай участкаў для галасавання. Гэта дазволіць сэканоміць бюджэтныя сродкі і правесці выбары на традыцыйна высокім арганізацыйным узроўні.
