Галоўныя пытанні парадку дня Аляксандр Лукашэнка і Уладзімір Пуцін акрэслілі ў адкрытай для прэсы частцы сустрэчы. Гэта сацыяльна-эканамічны блок і намаганні дзвюх краін па пераадоленні дэмаграфічнага спаду. Беларусь і Расія сапраўды прыкладаюць сур'ёзныя намаганні для падтрымкі нараджальнасці і стварэння ўмоў для сем'яў з дзецьмі. Беларускі лідар звярнуў увагу, што гэтаму пытанню была нададзена вялікая частка паслання калегі Федэральнаму сходу.
Інтэграцыйны вектар: эксперты прапрацавалі 90 % новых саюзных праграм
Стратэгічна інтэграцыйны вектар быў зададзены на дзвюх сочынскіх сустрэчах прэзідэнтаў. На сённяшні дзень эксперты прапрацавалі 90 % новых саюзных праграм, іх яшчэ называюць дарожнымі картамі. Яны, у прыватнасці, прадугледжваюць цесную кааперацыю ў вытворчасці, гандлі, кантролі якасці, падатковай і мытнай сферах. Менш чым тыдзень таму падчас візіту прэм'ер-міністра Міхаіла Мішусціна ў Мінск якраз прапрацоўвалася інтэграцыя фіскальнай сістэмы.
Сустрэча А. Лукашэнкі і У. Пуціна праходзіць у Маскве
Тэма бяспекі таксама будзе на парадку дня сённяшняй сустрэчы лідараў. Саюзнікі не могуць не адрэагаваць на вельмі варожыя крокі ЗША і іх саюзнікаў у ЕС. Акрамя таго, была ўзнята тэма Украіны, магчымага пераносу міратворчай пляцоўкі з Мінска і адмовы ад выканання саміх Мінскіх пагадненняў. Падрабязнасці сустрэчы глядзіце ў "Панараме".
