У Мінску праходзяць перамовы экспертаў па ўрэгуляванні сітуацыі на ўсходзе Украіны

Ад іх залежыць парадак сустрэчы кантактнай групы, як чакаецца, яна збярэцца бліжэй да вечара. На новы раўнд ускладаюць вялікія надзеі, першым чынам, у плане адвядзення ад лініі судакранання ўзбраенняў калібрам меней за сто міліметраў. Сёння павінны выпрацаваць канчатковы тэкст пагаднення і ў ідэале парафіраваць. Нагадаем, над дакументам сталі працаваць яшчэ ў пачатку жніўня, але дасягнуць канчатковай дамоўленасці так і не атрымалася.