Поўную прыхільнасць выкананню мінскіх пагадненняў пацвердзіла трохбаковая кантактная група па ўрэгуляванні канфлікту на ўсходзе Украіны. Пра гэта паведаміў спецпрадстаўнік АБСЕ Марцін Сайдзік падчас сённяшняга пасяджэння ў Мінску. Ён таксама нагадаў, што гэтае лета стала самым спакойным з пачатку канфлікту. Дзякуючы ўзгодненаму перамір'ю ў сувязі з пачаткам уборкі ўраджаю, а таксама пачаткам навучальнага года ўдалося значна знізіць узровень парушэнняў "рэжыму спынення агню".
Марцін Сайдзік, спецпрадстаўнік АБСЕ ў трохбаковай кантактнай групе па Украіне: "Сёння, як вядома, дзень 4-й гадавіны падпісання мінскага пратакола. Усе члены ТКГ яшчэ раз падкрэслілі сваю поўную прыхільнасць мінскім пагадненням. Гэта першае. А другое, як я ўжо згадваў, што гэтае лета стала самым спакойным з пачатку канфлікту".
Разам з тым Марцін Сайдзік выказаў шкадаванне ў сувязі з гібеллю кіраўніка самаабвешчанай ДНР Аляксандра Захарчанкі. Чарговае пасяджэнне трохбаковай кантактнай групы запланавана ў Мінску на 19 верасня.
