Заўсёды рады аказаць вам дапамогу і падтрымку. Пра гэта заявіў Аляксандр Лукашэнка на перамовах з прэзідэнтам Рэспублікі Сербскай Босніі і Герцагавіны. На сустрэчы лідары абмеркавалі двухбаковае супрацоўніцтва ў розных сферах - ад сельскай гаспадаркі да прамысловасці.
Лукашэнка прэзідэнту Рэспублікі Сербскай: Вы прыехалі да сваіх сяброў!
У сваю чаргу Міларад Додзік адзначыў, што нягледзячы на ўсе выклікі, сяброўства паміж Беларуссю і Рэспублікай Сербскай працягваецца. Адзначым, што ўпершыню Аляксандр Лукашэнка і кіраўнік балканскай дзяржавы сустрэліся ў 2000 годзе. Ужо пасля перамоў з беларускім лідарам Міларад Додзік прааналізаваў, якімі бачыць далейшыя адносіны дзвюх краін.
Міларад Додзік прыехаў у нашу краіну з вялікай дэлегацыяй. У рамках візіту ўжо адбыліся перамовы на прамысловых прадпрыемствах.
Вызначылі напярэдадні бакі і канкрэтныя крокі супрацоўніцтва ў галіне аховы здароўя. Кіраўнік рэспублікі пабываў у Мінскім навукова-практычным цэнтры хірургіі, транспланталогіі і гематалогіі. Візіт прэзідэнта Рэспублікі Сербскай Босніі і Герцагавіны прадоўжыцца некалькі дзён.