Сёння ў Мінску падпісана дадатковае пагадненне аб бяспецы ў зоне канфлікту.
Як заявіў спецыяльны прадстаўнік дзеючага старшыні АБСЕ ў трохбаковай кантактнай групе па Украіне Марцін Сайдык, мясцовыя выбары ў асобных раёнах Данецкай і Луганскай абласцей адбудуцца на працягу 2016 года. Аб гэтым, а таксама аб канкрэтных дасягненнях у пытанні гарантавання бяспекі на ўсходзе Украіны ён паведаміў сёння на брыфінгу па выніках работы групы Украіна - АБСЕ - Расія ў Мінску.
Марцін Сайдык, спецпрадстаўнік АБСЕ ў кантактнай групе: "Па запыце трох бакоў працавала група ўчора і сёння. Я рады паведаміць, што сёння ўдзельнікі перамоў падпісалі дадатковае пагадненне аб бяспецы, якое датычыцца пазначэння і абмежавання зон, дзе размініраванне яшчэ не прайшло, а таксама забароны навучальных стрэльбаў у 15-кіламетровай зоне ад лініі судакранання. Гаворка ідзе аб размініраванні да 31 сакавіка".
Заўтра ў Парыжы пройдзе сустрэча міністраў замежных спраў краін "нармандскай чацвёркі". Чакаецца, што там будуць разгледжаныя ключавыя рашэнні па пытаннях бяспекі, палітычных, а таксама гуманітарны аспектах.
