Са святам павіншавалі кіраўнікі дзяржаў СНД, прэзідэнты Італіі, Германіі, Польшчы, Сербіі, Швейцарыі, Індыі, Ірландыі, Партугаліі, В'етнама, Арабскіх Эміратаў, Пакістана, Сінгапура і іншых краін, а таксама каралі Швецыі, Нідэрландаў, Тайланда, Саўдаўскай Аравіі, Каралева Вялікабрытаніі. Кіраўніка беларускай дзяржавы павіншаваў і Папа Рымскі Францыск. Прэзідэнт Расіі Уладзімір Пуцін у сваім віншаванні адзначыў: "Сяброўства і ўзаемадапамога, загартаваныя ў суровыя гады вайны, і сёння служаць надзейнай асновай для саюзніцкіх адносін з Беларуссю. З задавальненнем адзначаю пазітыўную дынаміку двухбаковага супрацоўніцтва ў розных сферах, высокую эфектыўнасць партнёрскага ўзаемадзеяння ў рамках Еўразійскага эканамічнага саюза, АДКБ і іншых шматбаковых структур".
Свае віншаванні накіраваў і Старшыня КНР Сі Цзіньпін і адзначыў: "Надаю вялікую ўвагу развіццю кітайска-беларускіх адносін, чакаю наступнай сустрэчы разам з Вамі для паглыблення абмену меркаваннямі па пытаннях, якія маюць цікавасць для абодвух бакоў, бесперапыннага напаўненням адносін паміж дзвюма краінамі на карысць народаў Кітая і Беларусі".
З Днём Незалежнасці павіншаваў Дзяржсакратар ЗША Джон Керы: "Зараз - падчас вялікіх выпрабаванняў па ўсёй Еўропе - ЗША цэняць лідарства Беларусі ў падтрымцы мірнага вырашэння крызісу ва Украіне і яе прыхільнасць да добрых адносін з усімі краінамі. Амерыканскі ўрад цалкам падтрымлівае суверэнітэт і тэрытарыяльную цэласнасць Беларусі, а таксама чакае далейшага прагрэсу ў галіне правоў чалавека, развіцця дэмакратыі і эканамічных рэформ".
