Беларусь гатовая да дыялогу з усімі краінамі без выключэнняў, але на прынцыпах раўнапраўя і справядлівасці - гэта аснова нашай знешняй палітыкі.
Прэзідэнт сёння даў наказ паслам замежных дзяржаў, прымаючы даверчыя граматы дыпламатаў. Цырымонія па традыцыі прайшла ў Палацы Незалежнасці. Аляксандр Лукашэнка адзначыў, што сёння важны час для краіны. Наперадзе адзіны дзень галасавання. Да таго ж сёлета 80-годдзе вызвалення Беларусі ад фашызму. А яшчэ Год якасці. Ён павінен задаць імпульс развіццю нашых вытворчасцяў. У тандэме з партнёрамі Беларусь разлічвае дабіцца большага поспеху.
Прэзідэнт пра Год якасці: Гэта курс на мадэрнізацыю, пераабсталяванне вытворчасцяў
Аляксандр Лукашэнка прыняў даверчыя граматы паслоў васьмі краін: Азербайджана, Кыргызстана, Турцыі і Амана, Японіі, Непала, Узбекістана і Гвінейскай Рэспублікі. Наша краіна адкрытая да супрацоўніцтва з усімі, хто гатовы размаўляць. Традыцыйна Прэзідэнт ацаніў і ўзровень узаемаадносін паміж дзяржавамі.
Беларусь умела наладжвае адносіны на міжнародным трэку. Гэта добра паказаў і нядаўні візіт Аляксандра Лукашэнкі ва Узбекістан. Ташкент - важны стратэгічны саюзнік нашай краіны ў Цэнтральнай Азіі. Асвойваем паступова і Афрыканскі кантынент.
Для прадстаўнікоў дыпмісій сёння пачынаецца новы этап у вялікай і важнай працы ў Беларусі. Бо, па сутнасці, даверчая грамата - гэта генеральная даверанасць, выдадзеная кіраўніцтвам дзяржавы паслу для прадстаўлення інтарэсаў краіны на афіцыйным узроўні.
