Лукашэнка на сустрэчы з кіраўнікамі МЗС АДКБ заклікаў не пазбягаць праблем, а вырашаць іх, як бы ні было цяжка

Прэзідэнт Беларусі Аляксандр Лукашэнка 20 чэрвеня на сустрэчы з міністрамі замежных спраў дзяржаў - членаў АДКБ заклікаў не пазбягаць праблем, а вырашаць іх, як бы ні было цяжка, піша БЕЛТА.

Кіраўнік дзяржавы адзначыў, што час для арганізацыі зараз вельмі няпросты і патрабуе максімальнай мабілізацыі сіл, вопыту і рэсурсаў для захавання міру. І пры падрыхтоўцы да сустрэчы ён задумаўся аб тым, што сказаць галоўнае, бо апошнім часам многае ўжо было агучана. Даючы ацэнку дзейнасці АДКБ, Аляксандр Лукашэнка адзначыў, што арганізацыю часам правільна крытыкуюць за недахоп у вырашэнні канкрэтных праблем.
"Ёсць праблемы, ёсць задачы, іх трэба вырашаць, якія б цяжкія яны ні былі. А мы часам з-за іх складанасці не хочам іх вырашаць", - сказаў Аляксандр Лукашэнка. Ён падкрэсліў, што калі ў вырашэнне гэтых праблем улезуць нашы "сябры-дарадчыкі" з Захаду, то зрабіць што-небудзь будзе больш складана.