Працягваецца візіт дэлегацыі палітычных дзеячаў Украіны ў Беларусь. Госці пабывалі ў Віцебскай вобласці - азнаёміліся з працай дрэваапрацоўчага прадпрыемства "Віцебскдрэў". Іх прадукцыя пастаўляецца ў дзясяткі краін свету, у тым ліку ва Украіну. Пабывалі і ў беларускай вёсцы будучыні - аграгарадку Мазалава. Развітая інфраструктура і высокатэхналагічная АПК-вытворчасць уразілі гасцей.
Сёння прадстаўнікі Украіны наведаюць Цэнтральны рэгіён, ацэняць інфраструктуру "Чыжоўка-Арэны", наведаюць Беларускую нацыянальную біятэхналагічную карпарацыю, а затым накіруюцца ў агракамбінат "Ждановічы".
