Эканамічная інтэграцыя - ад нафтахіміі да мытні, развязкі па падатковым манеўры і салідарны адказ на санкцыі і палітычны націск. Адной з галоўных тэм тыдня стала нарада на вышэйшым узроўні, якая падводзіць няхай прамежкавы, але вынік 9-гадзінных двухдзённых перамоў Аляксандра Лукашэнкі і Уладзіміра Пуціна ў Сочы.
Вялікая размова па выніках сочынскага перагаворнага марафону адбылася ў Мінску ў аўторак, але ўжо з'явіўся і рэальны плён дыялогу. Удвая вырасла колькасць авіярэйсаў у Маскву. На піцерскім форуме Уладзімір Пуцін абсадзіў звышэмацыйных журналістаў фактурай аб інцыдэнце са спасылкай на Аляксандра Лукашэнку і сусветную практыку.
Урад пралічыў максімальны аб'ём шкоды ад заходніх санкцый і запэўніў: яны будуць поўнасцю кампенсаваныя за кошт краін-агрэсараў. Меры - ад пратэкцыянізму (абарона свайго) да тэхналагічнага замяшчэння (пераход на расійскія і азіяцкія тэхналогіі замест еўрасаюзаўскіх). Па якасці яны як мінімум не горшыя, затое без палітычнага падтэксту і санкцыённай подласці.
Плюс у пятніцу са слоў расійскага пасла ў Беларусі Яўгена Лук'янава стала вядома, што ўзгоднена яшчэ адна саюзная інтэграцыйная праграма. Праўда, невядома - па газе або па падатках. Але ў любым выпадку новая мадэль інтэграцыі абяцае дадаць да саюзнага ВУП ад 4 да 6 %, па ацэнках эканамістаў. Адно гэта перакрывае ўвесь магчымы ўрон ад націску з Захаду.
Падрабязнасці з першых вуснаў даведаемся ў палітычнага аглядальніка АТН. Ён быў на нарадзе, задаў нетрывіяльнае пытанне Прэзідэнту, а ўчора падрыхтаваў эксклюзіў з Раманам Галоўчанкам. Хто не бачыў - звярніце ўвагу на праект "Пытанне нумар адзін".
Самае галоўнае падчас перамоў у Сочы, што з інтэрв'ю прэм'ера не ўвайшло ў праект і хто "зламаў" традыцыйны фармат нарады на ўзроўні Прэзідэнта пытаннямі ад журналістаў – раскажа палітычны аглядальнік Андрэй Крывашэеў (відэа).
