Беларусь шчыра зацікаўлена ў хутчэйшым завяршэнні канфлікту ва Украіне мірным шляхам. Аб гэтым заявіў пастаянны прадстаўнік Беларусі пры Арганізацыі Аб'яднаных Нацый Валянцін Рыбакоў на пасяджэнні Савета Бяспекі ААН.
Разам з тым ён раскрытыкаваў палітыкаў з Украіны і заходніх краін, якія лгалі наконт Мінскіх пагадненняў і ў цяперашні час пачалі гэта прызнаваць.
Валянцін Рыбакоў заклікаў членаў Савета Бяспекі запрасіць экс-канцлера Германіі Ангелу Меркель, былых прэзідэнтаў Францыі і Украіны Франсуа Аланда і Пятра Парашэнку, каб тыя адчыталіся аб выкананні Мінскіх пагадненняў.
Ён таксама назваў крывадушнай палітыку так званых міралюбівых краін, якія запаўняюць Украіну смяротнай зброяй.
