Беларусь з павагай і разуменнем успрыняла рашэнне Расіі аб прызнанні незалежнасці ДНР і ЛНР

У Беларусі з павагай і разуменнем успрымаюць рашэнне расійскага боку аб прызнанні незалежнасці Данецкай і Луганскай народных рэспублік. Пра гэта заявіў МЗС краіны. Мы неаднаразова гаварылі пра небяспеку безразважных паводзін кіраўніцтва і палітыкаў шэрагу заходніх краін, якія  апошнія гады ўсё часцей аддаюць перавагу непрыкрытаму націску і пагрозам у якасці інструментаў вырашэння сваіх і міжнародных праблем,  гаворыцца ў заяве Міністэрства замежных спраў. 

Улік інтарэсаў іншых удзельнікаў працэсу практычна паўсюдна быў заменены імі на аднабаковыя абмежавальныя меры, гібрыднае ўздзеянне і агрэсіўную рыторыку. 

Прамым вынікам стаў імклівы рост напружанасці ва Усходнееўрапейскім рэгіёне, а таксама дэградацыя сістэмы міжнароднай бяспекі, якая стваралася  дзесяцігоддзямі, дыскрэдытацыя і нівеляванне аўтарытэту такіх найважнейшых крыніц міру і бяспекі, як ААН і АБСЕ, абясцэньванне міжнародных дагавораў і пагадненняў, роўна як і адмова ад сваіх прамых абавязацельстваў па іх,  заявіў МЗС Беларусі.