Беларуская дзяржава ў аснову асноў ставіць захаванне суверэнітэту і незалежнасці, імкненне да захавання міру, стваральную працу на карысць будучыні і сацыяльную справядлівасць. І мы будзем працягваць адстойваць нашы дэмакратычныя каштоўнасці. Такі адказ Беларусі на ініцыяваную ЕС рэзалюцыю ў дачыненні да нашай краіны.
Краінавыя рэзалюцыі супраць Беларусі і шэрагу іншых дзяржаў выкарыстоўваюцца як інструмент заходняй палітыкі, бо за межамі Захаду ёсць дзяржавы значна больш справядлівыя. І з гэтым прыйдзецца лічыцца. Ні адна міжнародная дамова не дае права ўмешвацца ва ўнутраныя справы суверэннай дзяржавы пад выглядам правоў чалавека. "Ніхто не валодае патэнтам на дэмакратыю", - падкрэсліла Ларыса Бельская, пастаянны прадстаўнік Беларусі пры аддзяленні ААН у Жэневе.
