Сёння ў Палацы Незалежнасці - вялікая нарада з урадам. Прэзідэнт паставіў задачы па самых актуальных і вострых тэмах парадку дня. Для сельскай гаспадаркі задача на зіму: падрыхтавацца да ранняй сяўбы, адрамантаваць усю тэхніку па краіне.
Нарада з кіраўніцтвам Саўміна
Распрацаваць дэталёвы план меліярацыі земляў і аднавіць райаграсервісы. Неабходна трымаць на асаблівым кантролі і сітуацыю на мяжы. Бяспека па знешнім контуры і недапушчэнне правакацый – вышэй за ўсё. Як дакладваюць кіраўніку дзяржавы, азначылася небяспечная тэндэнцыя, калі ў лагер мігрантаў спрабуюць перакінуць зброю і боепрыпасы, каб справакаваць канфлікт. Таксама неабходна дапамагчы цяжарным жанчынам, забяспечыць мігрантаў дровамі для абагравання. Што датычыцца дыялогу з Еўропай… Даручэнне МЗС - выразна даць зразумець Захаду: пагражаць нам чарговымі санкцыямі і маніпуляваць сапраўды не варта. Рэакцыя будзе неадкладная і цвёрдая.
Сітуацыя ў барацьбе з пандэміяй у нашай краіне аптымістычная. Тэмпы росту захворвання на COVID-19 працягваюць зніжацца. Бальніцы вяртаюцца да звыклага рэжыму працы, толькі ў асобных установах сканцэнтраваны аддзяленні для хворых на каранавірусную інфекцыю. Абмеркавалі на нарадзе і пытанні рэфармавання прадпрымальніцкай дзейнасці - тут не павінна быць перагібаў. Работа ў ценявым сектары недапушчальная. Яшчэ адно пытанне на парадку - будаўніцтва новага навучальнага корпуса БДУ. З такой прапановай выступіў урад. Але ці своечасова? Калі максімальна засяроджаныя на выратаванні жыццяў людзей, усё-такі на лячэнне CОVID-19 краіна выдаткуе парадку 2 млрд долараў. Падрабязнасці нарады ў кіраўніка дзяржавы - у наступных інфармацыйных выпусках.
