Беларусь умацоўвае дыпламатычную прысутнасць за мяжой. На тыдні Прэзідэнт прызначыў адразу некалькіх паслоў, якія будуць прадстаўляць інтарэсы нашай краіны.
У Таджыкістане гэта місія ўскладзена на Віктара Дзенісенку. Сяргей Лукашэвіч з'едзе на іншы кантынент - ён будзе працаваць у Бразіліі. Андрэй Чарнецкі прызначаны паслом у Рэспубліку Карэя. Звяртаючыся да дыпламатаў, Прэзідэнт нагадаў - эканоміка перш за ўсё.
Адбылася ратацыя і ў мясцовай вертыкалі. Прэзідэнтам узгоднены кіраўнікі Камянецкага, Жабінкаўскага і Касцюковіцкага раёнаў, а таксама кіраўнік адміністрацыі Першамайскага раёна Віцебска. У рэгіёнах спектр задач даволі вялікі: ад эканомікі і сельскай гаспадаркі да працы з людзьмі.
